صـــقـــــــــــــور الـعــــــــــراق الـــحـــــــــرة


مـشـاركـــــــــة و مــــــــــــــــــــــــــــرح
 
البوابةالرئيسيةالتسجيلدخول
......منتديات  ((( صقور  العراق  الحرة ))) أكبر   تجمع  عراقي و  عربي    يحتوي   منتديات   شاملة   ومتنوعة   و  نرحب   بكم  معنا ويفرحنا   تواجدكم   ويانا

شاطر | 
 

 *** قصيدة شعبيّة : كفكـف دموعـــكَ يا عــــــراق ***

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نادر البغدادي
مشرف
مشرف


عدد المساهمات : 495
نقاط : 1126
تاريخ التسجيل : 20/11/2011

مُساهمةموضوع: *** قصيدة شعبيّة : كفكـف دموعـــكَ يا عــــــراق ***   الإثنين 5 ديسمبر - 2:45




كفكف دموعك حبيبي يا عراق

لسه دنيانه تضوي بنورك

ولو دم أولادك الطاهر يراق

وكلهه متحزمه تهدم سورك

ابتسم ... رغم الجروح الما تطاق

يا شهم وموفي كل انذورك

لا تظن يلووك شذاذ الافاق

لو يلوث ليلهم بلورك

انته نجمة صبح تسبح بالأحداق

الشمس ما تطلع إذا متشورك

انته كعبه .. للشرف مو للنفاق

جنة والطيبين كلهم حورك

وليظمر ألك سوء عاق وابن عاق

ولا عرف كدرك ولا مكدورك


* * * * *

غلط .. حسبوهه العرب حسبة رفاق

ما دروا دمك يريع ازهورك

ولا دروا جرحك يفز باشتياق

ويّـــــه كل هندس تهل أبدورك

شارتك تكتل حبيبي يا عراق

وكفر كلمن ما يجي ويزورك

اتحاشموا كلهم على ذبحك سباق

ابخيت كلمن شچخ سيفه بزورك

حسبوّا تتعب ... يدب بيك الإرهاق

.. تموت .. وتكف عن غناها طيورك

ما دروا موتك حياة وانطلاق

ومن رمادك تفز تكمل دورك

انته عنقاء الزمان بلا فراق

والمجد يا بو الشرف ناعورك

كلهم يموتون .. وحدك أنت بـــاقِ

لان سر الكون من اجذورك

حسبوا ليل التعصّب والشّــــقاق

يطفي شمسك .. لو ينشف هورك

واهمين الماقروا كـــلّ الأوراق

ألما دروا دمك يطيب بورك

ألما دروا غيضك ألك مهرة وبراق

أترخص الدنيه وتعز استورك

ما يعرفونك حبيبي يا عراق

ولو يعرفونك تكفّـــــوا جورك

لا تبالي وبالعزم شـــدّ الوثاق

وكل شريف بيـه الشّـــعب ناطورك

آه... وشگــد مشتهي ويّــــاك العناق

امنين أبوسك سوربتني بنورك .

>> منقول >>

05 ـ 12 ـ 11
الرجوع الى أعلى الصفحة اذهب الى الأسفل
 
*** قصيدة شعبيّة : كفكـف دموعـــكَ يا عــــــراق ***
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صـــقـــــــــــــور الـعــــــــــراق الـــحـــــــــرة  :: ادبـيـات :: الشعر والشعراء-
انتقل الى: